Riamori: KHUNTO Halo Invazaun Nível Aldeia
Riamori: KHUNTO Halo Invazaun Nível Aldeia
Ekipa Guirilha Munisípiu Ermera ba Eleisaun Parlamentár 2023 husi Partidu Kmanek Haburas Unidade Nacional Timor Oan (P. KHUNTO) hahú konsolida nível Aldeia, iha Riamori, Suku Haupu, Postu Administravu Letefoho, iha Domingo, loron 26 fulan-marsu tinan 2023.
Iha intervensaun polítika, Sekretáriu-Jerál Munisípiu Ermera, Eng. Sebastião de Deus “Fatuk Lolon” salienta, ita hotu ne’ebé ohin halibur malu iha ne’e mak sei sai na’in ba Partidu KHUNTO. Ita mak tenki defende, habelar, haklaken no haburas Partidu ida-ne’e iha ita-nia vida lor-loron. Ita hotu nia servisu makaas sei lori vitória ba Partidu KHUNTO iha Eleisaun Parlamentár ne’ebé Excelénsia Prezidente Repúblika dekreta ona ba iha loron 21 fulan-maiu tinan 2023.
Iha okaziaun ne’e, Adjunto Sekretáriu-Jerál akresenta, loron resensiamentu Eleitoral ne’ebé atu remata ona iha loron 31 fulan-marsu tinan ne’e, ita KHUBTO-oan sira tenki ba halo ita-nia Kartaun Eleitorial, wainhira balun idade to’o ona atu vota. Fó hanoin ba família sira, atu tenki ba Vota iha Loron Eleisaun Parlamentár nian tanba ita hotu nia votus mak sei determina ita hotu nia futuru, akonsella Adjunto SekJer Munisípiu Ermera ne’e.
Mini Konsolidasaun nível Aldeia ne’e sei kontinua, hodi lori vitória ba Partidu KHUNTO iha Eleisaun Parlamentár tinan 2023 ne’e.
*remata*
